第一次見GP 會做乜？

First Meeting with your GP (Chinese version only)

如果你嘅情緒同感受，已經開始影響你嘅生活，你嘅精神健康可能已經出現問題。例如你會經常感到焦慮不安、情緒低落；或者出現飲食失調、自殘行為，就應該求助。約見GP（醫生）係第一步。

 

我地會講講如何為第一次見面做好準備，同GP講乜問乜，仲有問題清單。

 

（本文係根據youngmind的英文資料編寫而成，點擊讀英文原文。）

1.約見前點準備？

最好能夠係見面前做好一份討論清單：你覺得點？有乜嘢困擾你？你想問嘅問題？寫低清單可以幫你理清思路同感受，可以同醫生講，直接將清單俾佢亦得。

 

你亦可以同信得過嘅人傾下見醫生一事，預習一次同醫生講乜問乜，可以幫你比較自然咁講精神健康問題。如果你想，可以揾朋友或家人陪你去，甚至一齊見醫生亦可，不過最好事前同佢講好你想佢點幫你。記住，千萬唔好有壓力，揾人陪否完全係你話事。

2. 你想傾乜？

會面一開始不妨開宗明義，講清楚你想傾乜，直接將討論清單交俾醫生亦得。最緊要係坦白，雖然唔容易，不過真係好重要。你講真話，醫生先知道點幫你最好。記住醫生嘅工作就係幫病人處理精神健康問題。你嘅感覺同經歷點樣奇特異類都好，醫生好大機會已經見過不少同類問題。

 

為咗幫到你，醫生會問你問題。如果你唔清楚或者唔明白其意思，你可以問佢。記住今次會面你係主角，千祈咪覺得自卑同尷尬。醫生係有責任幫你嘅。

3. 醫生會唔會向你父母或照顧者泄露你講嘅嘢？

你同醫生講嘅所有嘢都係機密，即是冇你嘅同意，佢唔可以向第三者轉述。醫生會鼓勵你同爸爸媽媽或照顧者講，因為咁樣可以令負責照顧你嘅人知道發生緊咩事。如果你想佢地知道，但又唔想自己親口講，你可以請醫生代你轉告。若果醫生覺得你可能會有危險，佢就有需要告知第三者，不過佢會儘量先通知你。如果係咁，醫生最大可能會通知社會服務或警方，而唔係你父母。

4.對於GP會面唔滿意，可以點做？

如果你唔同意醫生建議嘅治療方案，又或者你想聽多個意見，等你放心啲，你可以要求多見一個醫生。只要向你的醫生提議要求佢推薦一個即可。

 

你揾第二個意見之前，最好同第一位醫生講下原因，咁樣佢先可以攪清楚你見第二個醫生嘅目的。

 

要揾出一個最佳治療方案，可能需要一啲時間。不過，如果你覺得個醫生幫唔到你，又或者佢令你唔太舒服，可以同診所要求約另一個醫生。

第一次會面不妨問呢啲：

  • 我唔明白咁樣對我有乜影響，你可以解釋一下嗎？I don’t understand what that means for me – can you explain it?
  • 轉介係乜？What does a referral mean?
  • 由轉介到做到第一次輔導要等幾耐？What’s the waiting time from a referral to starting counselling
  • 排隊等輔導/CAMHS 時，有冇其他支援俾我？Where can I get help while I wait for counselling/CAMHS?
  • 輔導係做乜？ What does counselling mean?
  • 輔導同非藥物治療有乜分別？What’s the difference between therapy and counselling?
  • 食藥可以點樣幫到我 ？How will medication help me?
  • 藥物會有乜嘢副作用？ Will the medication have any side effects?
  • 啲藥要食幾耐先開始有作用 ？How long does it take for the medication to start working?
  • 我同你講嘅嘢有幾多會保密 ？How much of what I talk about with you is confidential?
  • 輔導可以點樣幫到我 ？How will counselling help me?
  • 食藥同接受輔導有乜分別？What’s the difference between taking medication and going to counselling?
  • 你仲要唔要再見你 ？Do I need to see you again?

記住千祈唔好答你以為個醫生想聽嘅嘢，要老實要講真話，因為呢啲先係佢地想要嘅嘢，因為咁樣佢地先幫到你！

分享

相關文章:

No related posts.

en_GB
en_GB