活動

英國心泉講座: 《申請EHCP攻略》

EHCP是指Education, Health and Care plan,成功申請可為SEN學童提供資助及支援至25歲,十個家長十個話難申請,點樣先可以申請到?

英國心泉邀請到子女就讀主流及私立學校而成功申請EHCP的香港媽媽現身說法,分享他們成功申請EHCP的過程及心得。

活動

《 為子女申請情緒支援服務攻略》(已結束,請閱PPT、文字版及錄影紀錄)

英國心泉成立而來,收到不少家長查詢,苦惱於如何為子女在英國尋求情緒支援服務。
同完GP講,GP叫搵學校,學校又叫搵返GP。究竟要搵邊個?
究竟CAMHS(兒童及青少年精神健康服務)要點先申請到?
點係居所附近幫仔仔女女搵輔導?
在香港已確診有自閉症或ADHD,來到英國是否要找CAMHS重新做評估?
你是否有上述的經歷?任職CAMHS的精神健康工作員HEI TING為你介紹NHS、學校及社區的兒童及青少年情緒支援服務。

活動

英國心泉Music.Play親子工作坊

天氣越來越凍,天又越來越早黑,係時候同仔仔囡囡做好入冬準備,玩餐勁,儲下快樂陽光能量先。
做咗廿年音樂親子教育嘅Monique Pong 同美國註冊遊戲治療師督導Cora Ho會喺12/11(周六)同大人細路一齊,而且係真人現場齊齊玩,唔係網上互動。佢哋會透過藝術、音樂同遊戲,同你親子玩足兩個鐘,從中探索親子關係,加強互信,一齊培養正向情緒及學習表達。呢個活動係為大家秋冬進補,同行打氣,希望各家長及孩子們在適應移英新生活上有個好開始。

活動

英國心泉分享:現職老師心得 (已結束, 請閱相關FAQ)

阿Sir 、Miss 同你傾 半個學期話咁快就完了,各位家長應該有不少疑問: 冇家課,又唔駛帶書返屋企,點知阿仔學左咩? 冇書,剩係靠阿囡抄嘅筆記,點同阿囡溫書? 家長晚會個個老師見得幾分鐘,問D咩好? 點樣提升英文成績?點樣幫讀中學嘅仔女預備GCSE? 我們找來四位在英國任教嘅前香港中小學老師為你解疑答難。

活動

適應英國學校生活Dos & Don’ts

「適應英國學校生活Dos & Don’ts」網上講座 Parents talk — Dos & Don’ts in UK schools
開學幾個星期了,無論喺做家長嘅你或者喺仔女都應該感受到港英學校大大不同,有苦有甜。怎樣幫助子女們適應新環境?💁🏼‍♀️🙇🏼‍♂️🙋🏻‍♂️🤦🏻‍♀️
我哋特別搵咗英國註冊臨床心理學家May,教大家幾招新生活安心攻略。另外,我哋又得到幾位有齊港英兩地教學經驗的老師嘅義務協助,做咗一套🇬🇧英國學校ABC嘅秘笈,並會由前社工兼老師家長義工Lilian 同大家分享

活動

心泉分享6: 憤怒急救包

心泉分享6: 憤怒急救包 移民前後,仔仔囡囡成日變身「Angry Bird」😡😡😡問多兩句就叫唔好理佢。 爸爸媽媽既頭痕,又心痛,仲有時自己都忍唔住一齊發脾氣😣😩😤,兩敗俱傷。 面對仔仔囡囡嘅憤怒情緒,爸爸媽媽要學定幾度殺手鐧,隨時見招拆招。 仲要了解港英文化,知道大聲鬧仔係咪虐兒?威脅唔俾囡囡食飯又係咪?以免避誤墮法網。我們請來有處理個案經驗的兩位義工,同大家講講。

活動

求生包系列2: 港英中學教育大不同

學校冇功課冇書本,點知阿仔學左D咩?
成績表冇名次,我點知囡囡讀成點?
阿仔英文麻麻地,又有SEN,學校點跟?
搵老師好難,家長晚會見老師只見5分鐘,我點同佢溝通?
明白英國學校文化,以免因為誤解對自己或仔仔囡囡做成壓力,是適應移民生活重要一步。我們請來前任香港及英國現職中學教師FRED,替大家講解。

活動

逢場作「戲」走出傷痛

逢場作「戲」走出傷痛 和許多香港人一樣,你帶著還未癒合的傷口,怱怱來到英國。當一切安頓下來,壓抑了的情緒開始崩堤,卻不知怎樣處理?戲劇治療或許可以幫你,人少少,扮鬼扮馬,傾下偈。

活動

藝術治療工作坊

人人都話小孩子容易適應移民生活,事實係唔係?

其實大人和小孩一樣,到了新環境都需要重新適應,過程中難免遇上困難,無法恰當處理容易引發情緒,如果宣之無道,隨時鬱出情緒病來,而藝術創作可以是一個方法,幫助大家講出心底話,釋放情緒,搵條出路。註冊藝術(表達藝術)治療師蘇瑞雯 (Sandy So) 將會和大家分享一下運用不同的藝術創造方式,讓大人小孩透過親子活動,學習表達情緒、互相聆聽、互相支持。

en_GBEnglish (UK)