☘️孩子有憂慮，如何和他/她傾談?☘️
本指引參考了YoungMinds的網頁。
跟孩子講心事可能有點難，尤其是你擔心他們正面對困難時。你可能不知怎樣開口，又不知他們會怎反應。其實，講甚麼話題並不重要，有得傾就有可能。當然首先要「好天斬埋落雨柴」，有三件事要趁孩子心情好時儘力做：
- 視乎孩子的年齡和興趣，父母常與他/她「儲蓄」一些正向的「共同美好片段」(正面經驗)。例：玩桌遊與電玩、烘焙、遛狗、緩跑、看家庭電影、一起分享音樂與繪畫…
- 創造或選擇合宜的時間一起活動，增進親子感情。活動時孩子和父母雙方都需要有足夠的身心空間，放下手頭的工作及手機，暫時放下心中的憂慮。
- 父母要表達對孩子的話題是感興趣的、放鬆心情分享和聆聽，氣氛互動，家長要有同理心，代入孩子的世界。
怎樣打開話題？
以下說話例句只屬參考，並加入香港用語。讀者可自行發揮創意，盼望能有效打開孩子的心窗。
A. 當孩子有憂慮，開始傾談時
☘️一般閒談
「你依家覺得點樣？」
「你有無嘢想同我傾講?」
「如果今日可以重新黎過，你會做D咩不同嘅事情？」
「你今日做左D咩係令你感到最開心？」
「你呢排有咩最好同最倒霉嘅事可以話俾我知﹖」
☘️嚴重的事
「你今日遇到咩嘢大問題？」
「你覺得我可以點樣同你一齊處理 [呢件事]？」
「你有咩需要我幫手呀？」
「你想唔想講究竟發生緊咩嘢事﹖”
☘️有趣的事
(預備空間、時間交談，一起做一些有趣的事情)
「你而家最喜歡邊首歌？我會喜歡嗎？」
「你學校有咩嘢有趣事﹖點解呀﹖」
「 你最近睇YOUTUBE有D咩片你覺得好好笑/ 好多人LIKE，可以同我分享呀?」
「如果你係一隻動物，你估會係邊一隻？」(身在大自然時合用)
「如果你嘅生命係一部電影，你估會係哪一部？」(看完電影合用)
「如果今日有一個外星人降落係你個班，你會不好意
思俾佢睇到？」 (和孩子天南地北時合用）
☘️鼓勵的話
「你可以跟我說，我時刻預備好聽你講。」
「 如果您想同其他人傾，係可以㗎，你肯傾就已經係好事。」
「如果你願意話我知你擔心嘅事，我會盡力幫你㗎。」
「 即使我未必完全明白哂你既處境，但你知我係想多D了解你嘅諗法。」
「你知我地有幾鍚你，我們會同你一齊過呢關。」
「 我愛你，無論怎樣都不會改變。」
B. 結束傾談
「你睇到D咩?」「覺得點樣?」「你覺得自己可以做D咩。」「呢件事的確唔容易，見你講左出來個樣鬆了，我都放心D。」(若有宗教信仰可考慮以祈禱結束，將擔心的事交給天父。)
C. 如果你和孩子都不想現在傾談
「我知依家未係合適的時間，或者大家都未有心情說話。」
「如果你想的話，可以同我講，或者搵個朋友傾談都好」（尊重孩子，他/她有沉默、另尋找可傾談的對象的選擇。）
孩子告訴您他們正在掙扎中，重要的是要確保他們感到被看到和聽到。
☘️承認他/她的感受。
☘️感謝他/她分享正在發生的事情
☘️讓他/她知道你愛他/她
☘️問問他/她你有甚麼可以做的
☘️計劃一起渡過的時光
☘️讓他/她知道有求助熱線、短訊熱線和在線聊天等服務
☘️提醒他/她問題是暫時的，保證事情可以改變，他/她的情緒會好些。
☘️避免在情緒惡劣時進行任何對話
☘️安撫和肯定 (你隨時準備聆聽和同行)
