開學預備篇 2 – 孩子如何打入本地小朋友的圈子? 有不少家長擔心小朋友係英國會唔容易識到朋友，兩位移英多年的港媽分享佢哋嘅親身經驗，家長可以做D咩嘢等小朋友容易踏出第一步。 🍀ZOE媽媽: 呢度家庭好興邀請同學仔去屋企玩，大家可鼓勵孩子邀約幾個同學，等佢哋有多D機會混熟，爸爸媽媽亦可趁機認識本地嘅家長。 ☘️KITTY媽媽: 無錯呀!幫自己小朋友攪生日會/playdate都係一個可以令自己小朋友同家長自己有多啲接觸其他同學/家長嘅機會。其實英國係一個有好多族裔嘅地方，所以我會鼓勵家長去同多啲唔同族裔嘅家長溝通、交流文化。若有小朋友請仔仔女女去生日會，就盡量參加。 🍀ZOE 媽媽: 生日會形式好多元化，有租出面活動場地如WAR GAME場、彈床樂園；係屋企BBQ, 甚至小朋友一齊係屋企睇場戲、一齊整PIZZA都可以係生日會嘅主題。最緊要係投小朋友所好，就玩得開心。不過都要留意問清楚家長參與嘅小朋友有咩☠️食物敏感，也要避免有骨或容易哽親嘅食物，以策安全。 ☘️KITTY 媽媽: 我覺得要投小朋友所好，香港小朋友要了解下呢度小朋友睇咩玩咩，呢度小朋友或年輕人鍾意嘅卡通或流行文化同香港其實好似，例如都係鍾意Pokemon, Minecraft, LOL, , Roblox。大家無咁熟悉嘅例如Miraculous: Tales of Ladybug & Cat Noir 或 Jamie Johnson都可以了解吓。

開學預備篇 1 – 協助孩子在學校建立安全感 剛剛到埗的家庭，還有不足兩周，就要送孩子進入全新的學校。適應語言、適應文化、建立友誼全部要時間，孩子不會一時三刻建立到安全感。對孩子來說，因為返學而令焦慮指數爆升，其實是正常不過的事。 要教導子女面對種種不確定，家長言語鼓勵及陪伴❤️❤️❤️非常重要。但在學校，孩子始終是要自己勇敢面對各種困難。英國心泉有些小貼士給大家： （1）🍀🍀給孩子課堂生活的心理準備英國與香港的學校生活其實差別很大，不少爸爸媽媽多會告訴孩子英國學校功課較少，測考不多，這固然可令孩子感到較放心。但同時英國老師會要求同學上堂多抄筆記、課堂時同學又會較嘈吵……種種課堂生活的不同會令孩子感到一時難以適應。 要給孩子充足的心理準備，可找身邊較早到埗的大小朋友分享學校生活的體會，家長又可參考心泉講座「港英教育大不同」的Fb帖文或YouTube 片段了解一下現職英國中學的FRED老師的現身說法。 （2）🍀🍀給孩子第一日回校的小任務你給孩子的小任務不是聽到多少老師私指示、不是識到幾多個新同學，而是請孩子趁有空檔在校園為自己尋找一個喜歡的角落：一棵大樹下、草地的一角、攀爬架上仰望的一片天空……鼓勵孩子建立自己專屬的comfort zone，叮囑孩子在學校感到孤單、憂慮之時，可在小息、午膳時間去那兒放鬆一下。 （3）🍀🍀給孩子校園生活分享的適切回應孩子放學回來，家長要把握機會了解一下孩子的校園生活。孩子肯講，家長就要用心聽，同憂同笑。但對不善表達的孩子，家長又可以點樣打開話題呢？由較輕鬆的校園細節著手，由午膳吃了什麼、非學術課堂如體育堂等開始。孩子肯講多些，就可問今日校園生活有什麼較深刻印象或與香港上堂不同嘅地方。 若孩子提及一些不開心的經歷或遇上困難，甚至第一天放學就喊著說不開心，爸爸媽媽要耐心聆聽發生了什麼令孩子不安的事，讚賞孩子願意說出感受。聽完苦水，不妨回應一句:「如果爸爸媽媽好似你今日經歷咁多關卡，都會唔開心。但係我睇到……」。🍀🍀爸爸媽媽不用急於為孩子出謀獻策，反而要對孩子願意嘗試及付出的努力加以肯定及讚賞，也可分享爸爸媽媽小時候或現在適應新環境的體驗，多些和他們回想孩子過往克服困難的成功經驗。重點是讓孩子感到你明白他們的難受，願意陪伴他們經歷這段困難的時期。 ❤️❤️❤️9月開學的第一天，記著給孩子一個擁抱，告訴孩子在新學校會有新的挑戰，在這一場歷險旅程中會有起有伏，但爸爸媽媽相信孩子會努力前行，而爸爸媽媽也會為小勇士打氣。